Bläck Fööss: Lommer nimmih lommer sage
Lommer nimmih lommer sage, Karnevalslied mit Liedtext und Video zum Reinhören von de Bläck Fööss.
Bläck Fööss, Kölner Mundart-Band - Homepage: www.blaeckfoeoess.de - Text & Musik: Bläck Fööss
Liedtext
Lommer nimmih lommer sage
Lommer jet dun
Lommer nimmih lommer sage (2x)
Sommer em Sommer durch de Eifel laufe,
Sommer nit ens widder en de Sauna john,
Sommer nit ens widder mih Bio kaufe,
un dobei noch jet für de Jesundheit dun.
Solle mer nit däm ahle Mann e Bier spendiere,
Solle mer nit ens widder met däm Rad erus,
Solle mer nit de Bud noch ens tapeziere,
Do hammer et widder schön un sin och jän zo hus.
Refrain:
Su simmer immer de Muul am schwaade
Un wat maache mer tatsächlich?
Janix! – Schade!! (Schade, Schade!)
Lommer nimmih lommer sage,
Lommer doch ens leever jet dun,
Lommer nimmih länger wade!
Lommer nimmih lommer sage,
Lommer jet dun,
Lommer nimmih lommer sage. (2x)
Mer möhte ens widder noh de Oma fahre,
Mer möhte ens widder en de Oper jon,
Mer möhte däm Chef ens de Meinung sage,
Mer möhte un mer sollte, worom hammer nix jedon?
Künne mer nit ens eimal en Weltreis maache,
Künne mer nit ens jet für de Ärme don,
Künne mer nimmih üvver uns selver laache?
Wat mer net deit, do dräump mer nur vun!
Refrain: Su simmer immer de Muul am schwaade …
Wie Lang simmer nimmih en de Kirch jejange,
Wie lang hammer nimmih en e boch jeluurt,
Wie lang simmer ald en unserem Flim jefange?
Et weed höchste Zick für en Widderjeburt!
Refrain: Su simmer immer de Muul am schwaade …
Hinweis: Meine Humor-Seiten sollten nicht so ganz ernst genommen werden. Sie haben nicht zum Ziel, irgendjemanden zu beleidigen, gegen bestimmte Personengruppen aufzuhetzen oder zu einer politischen Meinungsbildung beizutragen. Soweit mir bekannt ist, sind alle diese Texte und Grafiken frei verfügbar. Leider ist nicht immer zu erkennen, wo die Werke ihren Ursprung haben. Sollte ich durch die Benutzung irgendwelcher Texte oder Grafiken gegen geltende Copyrightrechte verstoßen, so bitte ich, mir dies per Mail mitzuteilen, ich werde die betreffende Datei natürlich sofort entfernen.